لا تخاف من الزمان

لا تخاف من الزمان الزمن ماله أمان
خف من اللي كل آمالك في يديه وتامنه
لو حبيبك ماوفى لك لو حبيبك فيك خان
ايش ترجي من زمانك النتيجه باينه

نكتشف مرّ الحقيقه بعد مايفوت الأوان
قلت لك لاتندفع له قلت حبي صاينه
وينه اللي صان حبك ماأشوفه اليوم بان
قلبك اللي هو قلبك لاتحسبك ضامنه

لاتعذّر باحتياجك كلنا ناقص حنان
كلنا طفل يتمنى أي شخص يحضنه
نبني الدنيا وحنّا نوقف بنفس المكان
للأسف ينقص وفانا مع مرور الأزمنة