!! قولي بنساك وأنا بتحداك !!
روحي جعل ربي يسعـدك بدنيـاك
..............................يلي طيبك غير عن كـل الخلايـق
روحي بس أخـذي روحـي معـاك
.............................ترى قلبي مـن دون قلبـك ضايـق
أطلبي كل ماتبي كلـي فـداك
............................والكبرياء بين الاحبـاب مـو لايـق
لاتقولي عبد الله أنـا أنتظـر فرقـاك
..........................لجل قلبك مغتاض وماهـو بفايـق
قولي إنساني قولـي وأنـا ابتحـداك..!
.........................((إن قدرتي تشيليني من طيفك دقايـق ))
اللي بيننا ماهو حب وقولـة أهـواك
..........................شي أكبر من الحب بالحيـل فايـق
شي يتعدى الخيال ويتعداني ويتعداك
.......................ومن كل أحاسيس الحب ماخذ وبايق
يحسدنا عليه الكل هذا وهاذي وهذاك
........................ومجنون الحب ومتعصبـه والرايـق
إن كنتي لي أرضي كنت لك سمـاك
......................وإن كنت لك قمرتك كنتي لي طرايق
بيننا اشياء خارقه بدت مـن هنـاك
.....................بين أرض الحب والولى وعدة حقايق
كل الحكاية لولاي أنا وإنتي لـولاك
....................ما أنخلق شي لا للمستحيل.. ولا للعايق
معليه غيبي وأنا بتظاهر إني أنسـاك..!
.....................بس دخيلك طمنيني عليك لو دقايـق
موضوع: !! قولي بنساك وأنا بتحداك !! 
الإثنين 22 أكتوبر - 15:34
